Парвардигор, солиҳа ёр бер
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Берар бўлсанг жуфтимни агар, Парвардигор, солиҳа ёр бер. Бўлса ҳамки, мискина, безар,

Парвардигор, солиҳа ёр бер.

Бўлмаса ҳам қасру саройлик,

Илми бўлсин, илм – зўр бойлик. Юзидан ҳам қалби чиройлик, Парвардигор, солиҳа ёр бер.

Бўлсин дилда севгиси сенга, Сенинг учун бўйсунсин менга. Сўзи даъват, чорлар ҳақ динга, Парвардигор, солиҳа ёр бер.

Бўла олсин жон у жонимга, Илтифот-ла Онажонимга. Айланар ҳурматли хонимга, Парвардигор, солиҳа ёр бер.

Иймонимга қувват бўлгувчи, Йўқчиликка тоқат қилгувчи. Ҳар не бўлса, Сендан билгувчи, Парвардигор, солиҳа ёр бер.

Ҳақ йўлингда юрар мардона, Сирларимни тутар пинҳона. Жаннат уйларида мастона, Парвардигор, солиҳа ёр бер.

Тутар йўли суннат ҳар ишда, Ҳовлим саранжому саришта. Элга ўрнак юриш-туришда, Парвардигор, солиҳа ёр бер.

Фарзанд берсанг, бўлиб шодонлар, Ундириб жаннатий райҳонлар. Ўстирар ҳофизи Қуръонлар, Парвардигор, солиҳа ёр бер.

Кечир ўтган гуноҳларимни, Ҳақ йўлга бур оёқларимни. Изсиз қўйма сўроқларимни, Парвардигор, солиҳа ёр бер.

Бандангман мен, Ўзингсан Эгам, Кимдан сўргум Сендан сўрмасам. Солиҳлардан қил ўзимни ҳам, Парвардигор, солиҳа ёр бер.

Ғайрат Ҳошим

Мавзуга оид мақолалар
Бисмиллаҳир Роҳманир Роҳийм «Албатта, Аллоҳ ҳамда унинг фаришталари Пайғамбарга салавот айтурлар. Эй мўминлар Сизлар ҳам унга салавот ва салом айтингиз» Аҳзоб, 56 давоми...

23:19 / 25.02.2017 2894
Ибрат Муовия ибн Абу Суфён розияллоҳу анҳу ўлим соати яқинлашгач, охиратдаги ҳисоби енгил бўлишини ўйлаб, молининг ярмини Байтуллоҳга давлат давоми...

10:00 / 03.11.2019 856
Азоннинг суннатлари  Улар бештадир 1. Эшитувчи муаззин «Ҳайя ъалассолаҳ, ҳайя ъалалфалаҳ» лафзидан бошқани айтганда муаззин айтадиганини айтиши. «Ҳайя давоми...

03:57 / 08.12.2016 2091
Буюк Британиянинг Бредфорд шаҳрида еттинчи «British Muslim Awards» британиялик нуфузли мусулмонларни тақдирлаш маросими бўлиб ўтди. Британиянинг 33 та мусулмон иқтидор давоми...

01:53 / 22.02.2019 862