Аёл нима учун сабабсиз йиғлайди?
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бола онасидан сўради: Нима учун йиғлаяпсиз? Онаси жавоб берди: Чунки мен аёлман. Бола деди: Мен тушунмадим. Она боласини бағрига босиб: Буни ҳеч қачон тушуна олмайсан, деб жавоб берди.Сўнгра бола отасидан сўради: Онам нима учун йиғлаяпти? Отаси жавоб берди: Барча аёллар сабабсиз йиғлайди…Бола катта бўлди. Лекин аёллар нима учун сабабсиз йиғлашини била олмади. Кун келиб бир олимдан сўради: Нима учун аёллар сабабсиз йиғлайди?Олим жавоб берди: Аллоҳ таоло аёлларни яратган чоғида, дунё оғирликларини кўтаришлари учун кучли елка соҳибалари қилган. Ва роҳат улашишлари учун уларни меҳрибон, раҳим-шафқатли қилган. Фарзандни дунёга келтиришдаги қийинчиликларни кўтаришлари ва фарзандлари катта бўлганларида уларга берадиган озорларни кўтаришларига ички қувват ато қилган. Оила аъзоларига ғамҳўрлик қилишларида ва рўзғор ташвишларини кўтариш чоғларида қийинчиликка дуч келганларида салобат билан туришлари учун куч ато қилган. Оналарга шундай муҳаббат ато қилинганки, агар болалари озор берсалар ҳам, уларнинг озор чекишларига сабабчи бўлсалар ҳам, уларнинг меҳрлари ўзгармайди, тугамайди. Катта қийинчиликлар келган вақтда, уларни енгиб роҳатга эришишлари учун кўз ёшлари орқали дардларини енгиллаштириш мақсадида, уларни сабабсиз йиғлайдиган қилиб яратган. Ва бу уларнинг заиф нуқталаридир. Эй Роббим, барча оналарни жаннат аҳлидан қилишингни қалбим уришдан тўхтагунча сўрайман.
Мавзуга оид мақолалар
Таиландлик муслималар Сарабури шаҳридаги Darunsat Wittaya мактабига қатнашмоқда. Ушбу мактаб мамлакатнинг Паттани музофотида жойлашган бўлиб, ўқувчиларнинг сони 4000 давоми...

06:27 / 12.03.2019 878
Амира Эй борлиғимни қирқ икки ой қамраб турган ширин рўём Эй ҳаётимда юрак узра ялт этган ёрқин чақмоғим Амира Эй қақшаган воҳамда, қупқуруқ боғимда мен эга давоми...

23:53 / 23.01.2017 1856
Агар бирортаси билан бир масала устида баҳслашсангиз, у сизга «Одамларнинг кўпчилиги шундай қилади», дейди. Сиз уларга шундай денг Қуръони Каримда «одамларнинг давоми...

10:15 / 27.02.2017 2801